حدث يوم الجمعه ٢٩ يوليو ٢٠١١ ما اطلق عليها جمعه كندهار
نسيت ان النهارده يوم مليوني
و قلت اروح المتحف
و للاسف المتحف كان مقفول
و رجعت البيت
و في طريق العوده شفت الالاف من الاخوه يتجمعوا في التحرير
و كان نفسي اجد واحد حصيف اساله كنتم فين خلال ال ١٨ يوم ايام الثوره
بس خفت لاخد علقه حرامي الجزم لما بيمسكوه في الجامع
و في اول شارع رمسيس من ناحيه الشهر العقاري قابلت وفد لايقل هن ٥٠ شخص معظمهم بجلابيب
و ينادوا اسلاميه اسلاميه
، كان احدهم يرفع لافته كبيره نوعا ما
و مكتوب عليها
نريدها دوله دينيه و ليست ثيوقراطيه دينيه
اتسمرت مكاني و اعدت القراءه و كان نفسي اصورها بس خفت تاني ليقولي علي صحفي و لا ليبرالي و آخد نفس علقه حرامي الجزم
و مشيت و عندي ليهم سؤال ما قدرتش اسأله
انتم عايزيين ايه من الدوله احسن انا مش فاهم
ثيوقراطيه يعني دينيه
و معني المكتوب علي اليافطه
نريدها دوله دينيه و ليست دينيه دينيه
حد فاهم حاجه
انا معاهم
اريد دوله دينيه بس بشرط اريد حاكم مثل سيدنا ابو بكر الصديق
او زي سيدنا عمر بن الخطاب
No comments:
Post a Comment