الجيل بتاعي اتولد في اول الستينات
يعني بعد ثوره يوليو بحوالي ١٠ سنوات يعني ما شاركناش فيها
و احنا اطفال كانت نكسه ٦٧ يعني ماشاركناش في الدفاع عن بلدنا
و احنا تلاميذ حصل حرب ٧٣ و انتصرنا و بزضه ما شاركناش فيها
و لما اتقتل السادات كنا في اول سنين الدراسه الجامعيه و مالناش فيها
و مسك مبارك ٣٠ سنه و دخلنا الدوامه بتاعه البحث عن الرزق و دوخيني يا لامونه
و طبعا ده نظام مقصود ان افراد الشعب تسعي للرزق و لاتفكر في اي شئ آخر
و جاء ٢٥ يناير ٢٠١١ و اولادنا خلعوا نظام تشبث بالارض ٣٠ سنه
و ركب الاخوان الثوره و الدوله
و كانت فرصتهم بعد ٨٠ عام من العمل تحت الارض
و كانت محاولات مستميته و سريعه جدا لاخونه الدوله بكل اداراتها
و جاء تمرد و ٣٠ يونيو ٢٠١٣ و عزل مرسي
و نحن في فتره تنضيف الدوله من الاخونه
و رئيس مؤقت المستشار عدلي محمود منصور
و ارجو ان نكون الآن علي اول سلم الديموقراطيه
و الطريق السليم
١٨ يوليو ٢٠١٣
No comments:
Post a Comment